Ажәабжь ҿыцқәа
Цәыббра 23 2026 шықәсазы Москва имҩаԥысит Аиааира Амши Ахьыԥшымреи ирызкны ауснагӡатә. Уи еиҿнакааит Урыстәыла иҟоу Аԥсны Ацҳаражәҳәарҭа.
Цәыббрамза 22, 2026 шықәса рзы Аԥсны Адәныҟатәи аусқәа рминистр Олег Барцыц Урыстәылатәи Афедерациахь иусуратә ныҟәараан Ихьыԥшым Аҳәынҭқаррақәа Реиҩызара аусқәеи, аҳәаанырцә инхо аџьынџьуааи, жәларбжьаратәи агуманитартә усеицуреи (Россотрудничество) рзы Афедералтә маҵзура анапхгаҩы Игор Чаика диԥылеит.
Екатеринбург имҩаԥысит жәларбжьаратәи аекспедициа апрограмма аӡыргара, уи мҩаԥгахоит Аԥсны цәыббрамза 17-22 рзы жәларбжьаратәи аҿар рфестиваль алахәылацәа рзы Адәныҟатәи аусқәа рминистр Олег Барцыц аҳәаанырцәтәи атәылақәа рхаҭарнакцәа Аԥсны иаҭаарц ирыдыркылаз аӡбамҭазы иҭабуп ҳәа реиҳәеит.
Аԥсны Аҳәынҭқарра адәныҟатәи аусқәа рминистр Олег Барцыц зхадараҿы дыҟоу Аԥсны Аҳәынҭқарра аделегациа Сҭампыл иҟоу Урыстәылатәи Афедерациа Аконсурал хада иаҭааит, Сҭампыл иҟоу Урыстәылатәи Афедерациа аконсул хада Александр Калачиов иԥылара мҩаԥысит.
63-тәи Дамасктәи жәларбжьаратәи аџьармыкьа алахәхара аҳәаақәа ирҭагӡаны ацәыргақәҵатә комплекс аконцерттә плошьадкаҿы аԥсуа артистцәеи Шьамтәылатәи Арабтә Республика аԥсуа-адыга диаспора ахаҭарнакцәеи реицықәгылара мҩаԥысит.
Аԥсны адәныҟатәи аусқәа рминистр Олег Барцыц зхадараҿы дыҟоу Аԥсны Аҳәынҭқарра аделегациа Шьамтәылатәи Арабтә Республика афинансқәа Рминистрра апавильон иаҭааит.
Аҭаара аҳәаақәа ирҭагӡаны Шьамтәылатәи Арабтә Республикаҿы Урыстәылатәи Афедерациа аусқәа рзы аамҭалатәи агәрага Евгени Козлов иԥылара мҩаԥысит.
Аԥсны апавильон ҳаҭыр зқәу асасцәа рхыԥхьаӡараҿы дыҟоуп Шьамтәылатәи Арабтә Республика ахада Аҳмед аш — Шараа иаб, Хәсеин аш-Шараа.