Аԥсны Адәныҟатәи аусқәа рминистрра адныҳәаларатә нота нанашьҭит Боливариантәи Ареспублика Венесуела Адәныҟатәи аусқәа рминистррахь ҳтәылақәа рыбжьара адипломатиатә еизыҟазаашьақәа шьақәгылеижьҭеи аа-шықәса ахьҵыз инамаданы.

Аԥсны Адәныҟатәи аусқәа рминистрра адныҳәаларатә нота нанашьҭит Никарагуа Адәныҟатәи аусқәа рминистррахь ҳтәылақәа рыбжьара адипломатиатә еизыҟазаашьақәа шьақәгылеижьҭеи аа-шықәса ахьҵыз инамаданы.

Иахьа иҵит жә-шықәса Аԥсны Аҳәынҭқарреи Урыстәылатәи Афедерациеи адипломатиатә еизыҟазаашьақәа рыбжьарҵеижьҭеи.

Аԥсны Аҳәынҭқарра Адәныҟатәи аусқәа рминистрраҟны Аԥсны Аҳәынҭқарра Адәныҟатәи аусқәа рминистр Даур Ақаҩбеи Аԥсны иҟоу Приднестровиа Молдавиатәи Ареспублика Ахаҭарнак ҷыда Гарри Кәыпалбеи реиԥылара мҩаԥысит.

Аԥсны Аҳәынҭқарра Адәныҟатәи аусқәа рминистрра Приднестровиа Молдавиатәи Ареспублика Адәныҟатәи Аусқәа рминистррахь адныҳәаларатә шәҟәы нанашьҭит Ареспублика Амшныҳәа инадҳәаланы.

Цәыббрамза 2 рзы Аҧсны Аҳәынҭқарра Ахада Рауль Ҳаџьымба Приднестровиатәи Молдавиатәи Ареспублика ашьақәгылара 27 шықәса ахыҵра Приднестровие жәлар ирыдиныҳәалеит. Аныҳәатә еизараҟны адныҳәаларатә шәҟәы даԥхьеит Приднестровие иҟоу Аԥсны ахаҭарнак Александр Ватаман.

Нанҳәа 27-31 рзы Ростовтәи аобласт аҟны имҩаԥысуеит жәларбжьаратәи аҿартә форум «Урыстәылатәи аполитикеи адипломатиеи рышкол». Афорум аусура иалахәуп Аԥсни, Аахыҵ Уаԥстәылеи, Донецктәи жәлар рреспубликеи, лугансктәи жәлар рреспубликеи, Ермантәылеи, Молдавиеи, Украинеи, Урыстәылатәи Афедерациа арегионқәеи рҟынтәи адипломатцәа ҿарацәа.

Нанҳәа 28 рзы Ареспублика Арцах Адәныҟатәи аусқәа рминистрраҟны имҩаԥысит Ареспублика Арцах Адәныҟатәи аусқәа рминистр Карен Мирзоиани Аԥсны Адәныҟатәи аусқәа рминистр Даур Ақаҩбеи реиԥылара.

Абарҭ амшқәа рзы Аԥсны Аҳәынҭқарра аофициалтә делегациа Аахыҵ Уаԥстәыла иҟоуп, Аахыҵ Уаԥстәылатәи Ареспублика ашьақәгылара 27-шықәса ахыҵра Амш иазку аныҳәатә уснагӡатәқәа аҽрылархәразы.

Аԥсны Адәныҟатәи аусқәа рминистрраҿы имҩаԥысит аминистр Даур Ақаҩбеи Еидҵоу амилаҭқәа реилазаара арегионалтә ҳәаақәҵаҩ Нильс Скотт реиԥылара.

Аԥсны Адәныҟатәи аусқәа рминистр Даур Ақаҩба Урыстәылатәи Афедерациа Адәныҟатәи аусқәа рминистр ихаҭыԥуаю Григори Карасин имшира идиныҳәалеит

Иахьа, Урыстәыла аҳәынҭқарратә бираҟ Амш инадҳәаланы, Аԥсны Адәныҟатәи аусқәа рминистрра адныҳәаларатә шәҟәы нанашьҭит Аԥсны Аҳәынҭқарраҟны иҟоу Урыстәылатәи Афедерациа Ацҳаражәҳәарҭахь

Шьамтәыла Аминистрцәа Рхеилак ахантәаҩы Иммад Ҳамиси Аԥснытәи аделегациеи аиԥылара рыман 2017 шықәса нанҳәа 21 рзы.

Жәларбжьаратәи ааглыхратә цәыргақәҵа, Дамаск ақалақь аҟны имҩаԥысуаз, атеррористцәа аехсит. АИХ (СМИ) рдырраҭарақәа рыла ԥшьҩык аҭааҩцәа ҭахеит, ԥышьҩык ахәрақәа роуит аракетатә снариадқәа ахьрылаҳаз инамаданы. Абри аан Аԥсны атәылауаа ԥырхага рмоуит.

Аԥсны Адәныҟатәи аусқәа рминистр Даур Ақаҩба Приднестровие иҟоу Аԥсны Ахаҭарнак Гарри Кәыпалба имшира идиныҳәалеит.

2017 шықәса нанҳәа 12 рзы Боливариантәи Ареспублика Венесуела иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа Боливариантәи Ареспублика Венесуела Адәныҟатәи аусқәа рминистр Хорхе Арреас иԥылара далахәын.

Аԥсны жәлар Рџьынџьтәылатә еибашьра раԥхьатәи амш аҽны Аԥсны Адәныҟатәи аусқәа рминистрра аусзуҩцәа Ахьӡ-аԥша апарк аҟны иҟоу Амемориал аҿаԥхьа ашәҭшьыҵәрақәа шьҭарҵеит. Аибашьра цон 413 мши-ҵхи.

Нанҳәа 9 рзы Аԥсны Адәныҟатәи аусқәа рминистрреи Аԥсадгьыл ахь ахынҳәразы аилаки раԥшьгарала Шьамтәылатәи Арабтә Республикахь гуманитартә цхыраагӡак аҳасаб ала 12 тонна аӡыржәтә рышьҭит. Аӡы амҩангараан ацхыраара руеит Аԥсны Аҳәынҭқарра арратә мчрақәа рштаб хадеи Урыстәылатәи Афедерациа Атәылахьчара аминистрреи.

Урыстәылатәи Афедерациа Ахада Владимир Путин Аԥсны Аҳәынҭқаррахь усутә визитла иаара ақырҭуа напхгара агәҭынчымра рызнарҵысит.

Рауль Ҳаџьымба Аҧсны Ахада ихьӡ иадҳәалоу анапхаҵа сааҭ ҳамҭас ииҭеит ҧаса Ҭырқәтәыла иҟаз Амчнаӡа змаз Аҧсны Аҳәынҭқарра Ахаҭарнак Инар Гыцба, иусураан Ҭырқәтәыла Ареспубликаҟны иҟоу аҧсуа диаспореи Аҧсны ауааҧсыреи реизыҟазаашьақәа рырҿиареи рырҕәҕәареи рыҟны илагаламҭазы.