2025 шықәса мшаԥы 3 азы Аԥсны Аҳәынҭқарра адәныҟатәи аусқәа рминистр Сергеи Шамбеи Приднестровиатәи Молдавиатәи Ареспублика Ахада иабжьгаҩ Павел Прокудини реиԥылара мҩаԥысит.

Боливариантәи Ареспублика Венесуела Адәныҟатәи аусқәа рминистр Иван Хиль Аԥсны Аҳәынҭқарра Адәныҟатәи аусқәа рминистр инапынҵақәа назыгӡо Сергеи Шамба Аԥсны Аҳәынҭқарра Ахада иалхрақәа рҿы Бадра Гәынба иигаз аиааира идиныҳәалеит.

2025 шықәса мшаԥы 3 азы Аԥсны Аҳәынҭқарра адәныҟатәи аусқәа рминистр инапынҵақәа назыгӡо Сергеи Шамбеи Урыстәылатәи Афедерациеи Аԥсны Аҳәынҭқарреи рҿы иҟоу Боливариантәи Ареспублика Венесуела Ацҳаражәҳәаҩ Хесус Рафаель Саласар Веласкеси реиԥылара мҩаԥысит.

2025 шықәса мшаԥы 3 азы Аԥсны адәныҟатәи аусқәа рминистр инапынҵақәа назыгӡо Сергеи Шамбеи Урыстәылеи Аԥсни иҟоу Никарагуа Ацҳаражәҳәаҩ, адәныҟатәи аполитикеи Жәларбжьаратәи аизыҟазаашьақәеи рзы Никарагуа Ахада иабжьгаҩ, аминистр Альба Азусена Торрес Мехиеи реиԥылара мҩаԥысит.

Ҳазҭоу ашықәс мшаԥы ҩба аҽны Аԥсны Аҳәынҭқарра ахада Бадра Зураб-иԥа Гәынба имаҵураҭыԥ аанкылара ацеремониа мҩаԥысит.

Хәажәкыра 8 азы Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа абжьгаҩ Кан Ҭаниа имҩаԥигеит Италиа ауаажәларра рхаҭарнакцәа онлаин-формат ала рԥылара. Аиԥылара иара убасгьы далахәын Аҟәа ақалақьтә еизара ахантәаҩы Дмитри Осиа.

Хәажәкыра 29 азы Триест ақалақь аҿы Аԥсны Аҳәынҭқарра Адәныҟатәи аусқәа Рминистрра иҷыдоу адҵақәа рынагӡараз ацҳаражәҳәаҩ Вито Гриттании Триест ақалақь ахада Роберто Ди Пиаццеи еиԥылеит.

Хәажәкыра 28 азы Приднестровиатәи Молдавиатәи Ареспубликаҿы Аԥсны Аҳәынҭқарра ахаҭарнак Александр Ватаман, ПМР аусшәҟәқәа русбарҭақәеи архивқәеи Рҳәынҭқарратә Маҵзура аиҳабы Зинаида Тодорашко лнаԥхьарала, ашәҟәы«Без срока давности: Приднестровье» аӡыргара далахәын.

Аҵыхәтәантәи аамҭазы атәыла анапхгаратә партиа «Грузинская мечта» ахантәаҩы Биӡина Иванишьвили “Қырҭтәыла аҭамзаара шьҭанаҵар акәхоит ауаԥс жәлар рҿаԥхьа 2008 шықәсазтәи ахҭысқәа рзы” ҳәа иҟаиҵаз аҳәамҭа налаҵаны ақырҭуа политикцәа Аԥсны Аҳәынҭқарреи Аахыҵ Уаԥстәылеи дареи рыбжьара аконструктивтә диалог амҩаԥгара ишазхиоу азы иҟарҵаз аҳәамҭақәа азхьаԥшра рыҭаны Аԥсны Аҳәынҭқарра азыԥшын аахыҵ Кавказ ишьақәгыланы иҟоу аҭагылазаашьақәа разхаҵара шьаҭас измоу апрагматикатә еинырра хацыркхап ҳәа.

Аԥсны Аҳәынҭқарра адәныҟатәи аусқәа рминистр и.н. Сергеи Шамба Урыстәылатәи Афедерациа адәныҟатәи аусқәа рминистр Сергеи Лавров Урыстәылатәи Афедерациа иреиҳаӡоу аҳәынҭқарратә ҳамҭа – Аԥшьа цҳаражәҳәаҩ Андреи Аԥхьанаԥхьа иорден ианашьара инамаданы дидныҳәалеит.

Аԥсны Адәныҟатәи аусқәа рминистр и.н. Сергеи Шамба Урыстәылатәи Афедерациа Адәныҟатәи аусқәа рминистр Сергеи Лавров имшира идиныҳәалеит.

Амассатә информациа ахархәагақәа рҿы Урыстәыла атәылауаҩра змоу Аԥсны Аҳәынҭқарра атәылауаа рзы Аԥсни Урыстәылеи рҳәынҭқарратә ҳәаа ахысразы аԥкрақәа ыҟоуп ҳәа аинформациа цәырҵит.

Аԥсны Аҳәынҭқарреи Аҟәа ақалақьи рыхьӡала Европа иқәгылалоу ақырҭуа рҿиаратә коллективқәа ирызкны аамҭа-аамҭала аинформациа цәырҵуеит. Ҷыдала араҟа зыӡбахә ҳҳәо "Қырҭтәыла аҳәынҭқарратә академиатә ашәаҳәареи акәашареи рансамбль "Aphkhazeti", ахор "Shavnabada", "Сохумтәи адраматә театр" ("Sokhumi Drama Theatre) уҳәа убас егьырҭгьы роуп.

Хәажәкыра 18 азы, ақалақь Бендера Жәлар рдепутатцәа рықалақьтә хеилак ахантәаҩы Иури Кара иҟаиҵаз ааԥхьарала, Приднестровиатәи Молдавиатәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Александр Ватаман ашколтә дипломатиа Аклубқәа рӡыргара ихы алаирхәит.

Хәажәкыра 14 азы Венесуела иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Заур Ӷәаџьаа, Венесуела иҟоу Азинмчы ҷыда змоу Урыстәылатәи Афедерациа ацҳаражәҳәаҩ Сергеи Мелик-Багдасаров инаԥхьарала Урыстәылеи Венесуелеи рыбжьара адипломатиатә еизыҟазаашьақәа рышьақәгылара 80 шықәса ахыҵра иазкыз аусмҩаԥгатә ихы алаирхәит.

Аԥсны Аҳәынҭқарра адәныҟатәи аусқәа Рминистрра аколлектив Адәныҟатәи аусқәа рминистр Сергеи Шамба имшира идырныҳәалеит.

Урыстәылатәи Афедерациа адәныҟатәи аусқәа рминистр Сергеи Лавров Аԥсны Аҳәынҭқарра адәныҟатәи аусқәа рминистр инапынҵақәа назыгӡо Сергеи Шамба иира Амш идиныҳәалеит.

Иахьа Марттәи ажәыларатә операциа мҩаԥысижьҭеи 32 шықәса ҵуеит.

2024 шықәса абҵарамза 15 рзы Урыстәылатәи Афедерациа адәныҟатәи аусқәа Рминистрра ареспубликаҿы иҟалаз аполитикатә кризис инамаданы ртәылауаа Аԥсны Аҳәынҭқаррахь аныҟәарақәа рҽырцәыхьчаразыиҟарҵаз рабжьгара аԥыхра инамаданы, Адәныҟатәи аусқәа Рминистрра абри аҩыза аҳәамҭа ҟанаҵоит.

Потсдам ақалақь аҿы, акультура-усутә еимадара аҳәаақәа ирҭагӡаны, Аԥсны Аҳәынҭқарра иазкыз ахәылԥаз мҩаԥысит. Германиатәи аиҿкаара "Old Tablers", иара убасгьы уи анапхгара алахәыла Иорг Баут иҟарҵаз ааԥхьарала еиҿкааз аусмҩаԥгатә рхы аладырхәит Германиа иҟоу абизнеси акультуреи рхаҭарнакцәа.