Аԥсны адәныҟатәи аусқәа рминистрра абҵара 15 рзы аҭыԥ змаз ахҭысқәа азакәантә мчра ахҳәаразы аҽазышәара аҳасабала иахәаԥшуеит. Иҟалаз ҳҳәынҭқарра жәларбжьаратәи ахаҿсахьа ааха анаҭоит, ҳстратегиатә ҩыза – Урыстәылатәи Афедерациеи ҳареи ҳаизыҟазаашьақәа иҽеимкәа ианыруеит.

Иахьа, асааҭ 15:20 рзы, Израильтәи аҳаиртә мчқәа аоккупациа зызуу шьамтәылатәи Голан аҟынтәи ажәылара ҟарҵеит. Дамаск араион Мезеи, Дамаск араион Кудсаии, Дамаск иаԥну ақыҭаҭыԥқәеи рҿы анхарҭатә хыбрақәа жәпакы ааха рырҭеит, иҭахеит жәохәҩык рҟынӡа ауаа. Жәафҩык ауаа ааха роуит, аҳәсеи ахәыҷқәеи уахь иналаҵаны. Анхарҭатә ҭыԥқәеи ааигәа-сигәа игылаз аҩнқәеи ааха ӷәӷәа роуит.

Шьамтәылатәи Арабтә Республикаҿы иҟоу анапынҵа ҷыдақәеи азинмчнагӡеи змоу Аԥсны ацҳаражәҳәаҩ Муҳаммад Али диԥылеит Шьамтәыла аекономикеи адәныҟатәи ахәаахәҭреи рминистр, аекономикатә, ахәаахәҭратә, аҭҵаарадырратә усеицуразы Аԥсны-Шьамтәыла Аицеилак Шьамтәылатәи ахәҭа ахантәаҩы Моҳаммад Рабиа Кьалааџьи.

Женева ихыркәшахеит Кавказнҭыҵ ашәарҭадареи аҭышәынәалареи рзы Жәларбжьаратәи Женеватәи аиҿцәажәарақәа 62-тәи рраунд. ЕАР, ОБСЕ, ЕХ рыцхантәаҩрала имҩаԥысыз аиҿцәажәарақәа рхы рыладырхәит Аԥсны, Аахыҵ Уаԥстәыла, Қырҭәыла, Урыстәыла, Еиду Америка Аштатқәа. Аԥснытәи аганахьала аиԥылара иалахәын: Аԥсны адәныҟатәи аусқәа рминистр ихаҭыԥуаҩ Одиссеи Бигәаа, Женеватәи аиҿцәажәарақәа рлахәылацәа, Аԥсны АдәАР ахаҭарнакцәа Лаша Аҩӡба, Артур Гагәылиа.

Аԥсны Аҳәынҭқарра адәныҟатәи аусқәа рминистр Сергеи Шамба Урыстәылатәи Афедерациа адәныҟатәи аусқәа рминистр Сергеи Лавров Жәлар ракзаара Амш азгәаҭара инамаданы адныҳәаларатә шәҟәы изишьҭит.

Абҵарамза 3 азы Шьамтәылатәи Арабтә Республикаҿы иҟоу анапынҵа ҷыдақәеи азинмчнагӡақәеи змоу Аԥсны ацҳаражәҳәаҩ Муҳаммад Алии Шьамтәыла Аминистрцәа Рхеилак ахантәаҩы Муҳаммад Гази Аль-Џьалалии реиԥылара мҩаԥысит.

Шьамтәылатәи Арабтә Республика Азеиԥш спорттә Федерациа ааԥхьарала, Шьамтәыла иҟоу Аԥсны Аҳәынҭқарра Ацҳаражәҳәарҭа адипломатцәа IV жәларбжьаратәи атурнир “Тишринтәи амҩақәа” рхы аладырхәит.

Боливариантәи Ареспублика Венесуела иҟоу анапынҵа ҷыдақәеи азинмчнагӡеи змоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела иҟоу Урыстәылатәи Афедерациа анапынҵа ҷыдақәеи азинмчнагӡеи змоу ацҳаражәҳәаҩ Сергеи Мелик-Багдасаров иҟаиҵаз ааԥхьарала, Каракас ақалақь аҿы имҩаԥысуаз ацәыргақәҵа “Имилаҭрацәоу Урыстәыла” аартра ихы алаирхәит.

Абҵара 1 азы Аԥсни Урыстәылеи рыдәныҟаполитикатә усбарҭақәа рминистрцәа рхаҭыԥуаа Одиссеи Бигәааи Михаил Галузини реиԥылараҿы ирылацәажәеит арегионалтә шәарҭадареи жәларбжьаратәи аҭагылазаашьеи.

Абҵара 1 азы, Аԥсны Аҳәынҭқарра адәныҟатәи аусқәа рминистр ихаҭыԥуаҩ, Кавказнҭыҵ ашәарҭадареи аҭышәынтәалареи ирызку Жәларбжьаратәи Женеватәи аиҿцәажәарақәа 62-тәи араунд ахь Аԥсны аделегациа анапхгаҩы Одиссеи Бигәааи Урыстәылатәи Афедерациа адәныҟатәи аусқәа рминистр ихаҭыԥуаҩ Михаил Галузини реиԥылара мҩаԥысуеит.

2024 шықәса жьҭаара 30 рзы Шьамтәылатәи Арабтә республикаҿы иҟоу анапынҵа ҷыдақәеи азинмчнагӡеи змоу Аԥсны Аҳәынҭқарра ацҳаражәҳәаҩ Муҳаммад Алии Шьамтәыла ахада ихаҭыԥуаҩ, адоктор Фаисал Аль-Микдади реиԥылара мҩаԥысит.

Аԥсны Аҳәынҭқарра адәныҟатәи аусқәа рминистр Сергеи Шамба Аахыҵ Уаԥстәылатәи Ареспублика аҩбатәи ахада Едуард Кокоиты 60 шықәса ихыҵра идиныҳәалеит.

Шьамтәылатәи Арабтә республикаҟны иҟоу Аԥсны ацҳаражәҳәаҩ Муҳаммад Алии Шьамтәыла Астудентцәа рмилаҭтә Еидгыла ахада Дарин Сулеимани аиԥылара мҩаԥыргеит. Аиԥылара рхы аладырхәит Аԥсны Аҳәынҭқарра Ацҳаражәҳәарҭа абжьгаҩ Геис Аль-Ҳарки, Шьамтәыла астудентцәа Рмилаҭтә Еидгыла адәныҟатәи аимадара аҟәша аиҳабы, адоктор Али Баракаҭ.

Жьҭаарамза 24 рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә напынҵақәеи азинмчнагӡеи змоу ацҳаражәҳәаҩ Заур Ӷәаџьаа, Венесуела иҟоу Урыстәыла аҷыдалкаатә напынҵақәеи азинмчнагӡеи змоу ацҳаражәҳәаҩ Сергеи Мелик-Багдсаров иҟаиҵаз ааԥхьарала, абарельеф “Циолковски К.З., Королев С.П., Гагарин Иу.А.” аартраз аныҳәатә церемониа ихы алаирхәит.

Жьҭаарамза 22 рзы, Урыстәылатәи Афедерациаҿ иҟоу Аԥсны Аҳәынҭқарра Ацҳаражәҳәарҭаҿы, Никарагуа знапынҵа назыгӡаз, аҷыдалкаатә уснагӡатәқәеи азинмчнагӡеи змаз Урыстәыла ацҳаражәҳәаҩ Александр Хохоликов адипломатиа аганахь ала аԥсуа-аурыс усеицура арӷәӷәараҿы иҟаиҵаз алшамҭақәа рзы аиубилеитә медал “Адәныҟатәи аусқәа Рминистрра –30 шықәса» ианашьара ацеремониа мҩаԥысит.

Жьҭарамзазы Киольнтәи ачерқьесцәа ркультуратә Ассоциациа шьақәгылеижьҭеи 50 шықәса ҵит. Германиа иҟоу Аԥсны Аҳәынҭқарра азинмчы змоу ахаҭарнак Хьыбла Амҷԥҳа Ассоциациеи уи ахантәаҩы Ирфан Кенети ари акыр зҵазкуа арыцхә рыдылныҳәалеит.

Шьамтәылатәи Арабтә Республикаҿы иҟоу аҷыдалкаатәи азинмчнагӡеи змоу Аԥсны Аҳәынҭқарра ацҳаражәҳәаҩ Муҳаммад Али Афонд «Шьамтәылатәи аҭаацәаратә диалог» анапхгара ахантәаҩы Ахед Шарифа дылԥылеит.

2024 шықәса жьҭаара 22 азы Ареспублика адәныҟатәи аусқәа рминистрра анапхгаҩы Сергеи Шамба Аԥсны иҟоу Россотрудничество Ахаҭарнакра анапхгаҩы Владислав Куликов диԥылеит. Аиԥылара далахәын Ахаҭарнакра аусзуҩ Наталиа Каиун.

Аԥсны Аҳәынҭқарра адәныҟатәи аусқәа рминистр Сергеи Шамба Халед Уалид Абаза ақалақь Латакиа ахадас официалла имаҵура аанкылара идиныҳәалеит.

2024 шықәса жьҭаара 18 рзы Боливариантәи Ареспублика Венесуела иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа, Венесуела Адәныҟатәи аусқәа рминистрра ааԥхьарала, афорум «БРИКС: ахырхарҭарацәатә дунеи аргылара апроцесс аҿы» ихы алаирхәит.