Никарагуа Ареспубликаҿы иҟоу Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Алиас Аиба Никарагуа Ареспубликаҿы иҟоу Урыстәылатәи Афедерациа аҷыдалкаатә Зинмчы змоу ацҳаражәҳәаҩ Михаил Леденев диҭааит.

Аиҩызаратә еицәажәараан аганқәа ишьақәдырӷәӷәеит ԥхьаҟатәи адипломатиатә усеицура ишадгыло, иалацәажәеит арегион аҿы аҭагылазаашьа, иара убас наҟ-ааҟтәи аинтерес ззыҟоу азҵаарақәа жәпакы.