Ареспублика Никарагуа иҟоу Мексикатәи еиду аштатқәа Рыцҳаражәҳәарҭа анаԥхьарала Ареспублика Никарагуа иҟоу Аԥсны азинмчра нагӡеи анапынҵа ҷыдақәеи змоу ацҳаражәҳәаҩ Инар Ладариа ихы алаирхәит Мексика ахьыԥшымра Амш 214-шықәса ахыҵра иадҳәалоу аныҳәатә концерт.

Ауснагӡатә иалахәын Никарагуа ахада иабжьгаҩ Лауреано Ортега, Никарагуа адәныҟатәи аусқәа рминистр Вальдрак Џьентске.

Аныҳәатә уснагӡатә иара убасгьы иалахәын Никарагуа аккредитациа змоу адипломатиатә миссиақәа рхаҭарнакцәа, Никарагуа аиҳабыратә усбарҭақәа рхаҭарнакцәа.