Цәыббра 25-26 рзы, Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа аминистр-абжьагаҩ Алиас Аибеи, Амилаҭтә полициеи ашьаҭаркра 46 шықәса ахыҵраз аусмҩаԥгатәи аполициаа рпарад "Акзаара. Амчра. Аиааира." ирылахәын.

Апарад рхы аладырхәит 2000 инареиҳаны аполициа аусзуҩцәеи иҷыдоу атехникеи. Ареспублика Никарагуа ахада ицхырааҩ Даниель Ортега аусмҩаԥгатә аҿы ажәахә ҟаиҵеит, аполициа аусзуҩцәа дрыдныҳәало иҳәеит: "Никарагуа, империалистцәа ирымазар ауа атомтә бџьар аасҭа, ҳаамҭазтәи абџьарқәа раасҭа, аӡаҵаҟатәи аӷбақәа раасҭа акыр зҵазкуа, еиҳа иӷәӷәоу акы амоуп. Уи Никарагуа ажәлар ракзаароуп".
Аусмҩаԥгатә рхы аладырхәит Никарагуатәи ачынуаа, адипломатиатә корпус ахаҭарнакцәа, арратә атташецәа, афырхацәа-аполициауаа рыуацәа.