Никарагуа иҟоу Урыстәыла Ацҳаражәҳәарҭа ааԥхьарала, Никарагуа иҟоу аҷыдалкаатә зинмчы змоу Аԥсны ацҳаражәҳәаҩ Инар Ладариа жәларбжьаратәи авидеоконференциа "Лугансктәи Жәлар Рреспублика ахақәиҭтәрахь амҩа" далахәын.
Авидеоконференциаҿы Аԥсны Аҳәынҭқарра аҭагылазаашьа ҷыдақәа рминистр Лев Кәыҵниа ажәахә ҟаиҵеит, Аԥсны Аҳәынҭқарра ЛЖәР иазыҟанаҵо ацхыраареи адгылареи ртәы иҳәеит.
Онлаинтәи аиԥылара рхы аладырхәит еиуеиԥшым аҳәынҭқаррақәа рҟынтәи адипломатцәа, ООН, ОБСЕ, БРИКС, ИАР, АСЕАН уҳәа иара убас жәларбжьаратәи агуманитартә еиҿкаарақәеи, иҳәынҭқарратәым еиҿкаарақәеи рхаҭарнакцәа, АИХқәа рхаҭарнакцәа, ауаажәларратә усзуҩцәа, ацџьынџьуаа.
