Нанҳәа 2 азы Ареспублика Никарагуа арра-ҳаиртә мчрақәа рнапхгара рнаԥхьарала Ареспублика Никарагуа иҟоу алкааҷыдеи азинмчнагӡеи змоу Аԥсны ацҳаражәҳәаҩ Инар Ладариа Ареспублика Никарагуа арра-ҳаиртә мчрақәа шьаҭаркуижьҭеи 43-шықәса аҵразы имҩаԥысуаз ауснагӡатә далахәын.

Ауснагӡатә иалахәын Ареспублика Никарагуа ахада Даниель Ортега, ахада ихаҭыԥуаҩ Росарио Мурильо,

Атәылахьчара аминистрра, атәыла аиҳабыра, Ареспублика Никарагуа аккредитациа зҭо адипломатиатә корпус рхаҭарнакцәа.

Команданте Даниель Ортега Аԥсны аҳәынҭқарра ахада Аслан Бжьаниеи аԥсуа жәлари асалам рзааиҭиит.

Инар Ладариа Ареспублика Никарагуа ахада Даниель Ортега ҭабуп ҳәа иеиҳәеит Аԥсны иаиҭо адгыларазы.