Шьамтәылатәи Арабтә республикаҿы иҟоу Аԥсны Аҳәынҭқарра азинмчнагӡеи анапынҵа ҷыдақәеи змоу ацҳаражәҳәаҩ Мухаммад Али Шьамтәыла ааглыхратәии ахәаахәҭратәии сектор ахаҭарнакцәа дырԥылеит.
Аиԥылара иалахәын аилахәыра «CEMTECH» адиректор хада Џьибраил Аль-Ашхабии Шьамтәыла ааглыхратәии ахәаахәҭратәии еилахәыра дуқәа рхаҭарнакцәеи.
Ирылацәажәан Аԥсни Шьамтәылеи реилахәырақәа русеицура аԥеиԥш азҵаарақәа.
Инаҵшьны иазгәаҭан ацәыргақәҵақәеи аусутә уснагӡатәқәеи рҟны атәылақәа рыҩба рнаплакыҩцәеи ринвесторцәеи ралахәра.
Аиԥылара аҵак ду амоуп Аԥсни Шьамтәылеи рекономикатә еимадарақәа рырӷәӷәӷаразы.
