Иахьа, Приднестровиатәи Молдавиатәи Ареспублика Аконституциатә ӡбарҭаҿы, ПМР Аконституциатә ӡбарҭа ахантәаҩы Олег Кабалоеви Приднестровие иҟоу Аԥсны азинмчы змоу ахаҭарнак Александр Ватамани русуратә еиԥылара мҩаԥысит.
Александр Ватаман Олег Кабалоев аԥснытәи иколлегацәа – Аԥсны Аҳәынҭқарра Аконституциатә ӡбарҭа ахантәаҩы Диана Ԥлиаԥҳаи, Аконституциатә ӡбарҭа аӡбаҩцәа Лиудмила Хаџьашьвилии, Алиса Бигәааԥҳаи, Нури Ҭаниеи рҟынтәи асалам ииҭеит.
Аиԥылараан, Аԥсны азинмчы змоу ахаҭарнак Александр Ватаман Аԥсны Аҳәынҭқарра Аконституциатә ӡбарҭаҿы имҩаԥигаз аиԥылара далацәажәеит. Уи аҿы Аконституциатә ӡбарҭа ахаҭарнакцәа аҩ-ганк рзы аинтерес зҵоу азҵаарақәа зегьы рзы аусеицура ишазхиоу шьақәдырӷәӷәеит.
ПМР Аконституциатә ӡбарҭа ахантәаҩы Аԥсны Аҳәынҭқарра Аконституциатә ӡбарҭа аус ацуразы агәазыҳәара шимоу атәы иҳәеит. Олег Кабалоев иазгәеиҭеит, иахьа Аԥсны Аконституциатә ӡбарҭа аԥышәа ду амоуп, уи хымԥада, Приднестровиазы аинтерес аҵоуп ҳәа.