Нанҳәа 8 азы, Приднестровиатәи Молдавиатәи Ареспубликаҿ Аԥсны Аҳәынҭқарра Аофициалтә Хаҭарнакра еиҿнакааит Аԥсны Аҳәынҭқарратә миграциатә Маҵзура анаԥхгаҩы Саид Ҵнариеи Приднестровтәи Молдавиатәи Ареспублика аҩныҵҟатәи аусқәа Рминистрра амиграциатә усбарҭа аиҳабы Светлана Пысинеи онлаин реиԥылара.

Аиԥылара аибадырратә ҟазшьа аман.

Аԥсни Приднестровиеи рмиграциатә маҵзурақәа рнаԥхгаҩцәа русбарҭақәа русура рхырхарҭа хадақәа азгәарҭеит, аҩ-ганкгьы аинтерес рызцәырызгар алшо азҵаарақәа алыркааит.

Аиԥылара алахәылацәа русеицура ԥхьаҟагьы ацҵаразы аинтерес шрымоу рҳәеит, иара убасгьы хара имгакәа аусеицуразы азыԥхьагәаҭақәа шьақәдыргылеит.