Цәыббра 18 азы, Аԥсны Аҳәынҭқарра Ауаажәларратә Палата амаӡаныҟәгаҩ Гәыльнара Кьычбеи Приднестровиатәи Молдавиатәи Ареспублика Ауаажәларратә Палата ахантәаҩы Владимир Ладункини рыбжьара онлаин еиԥылара мҩаԥысит.
Аиԥылара иалахәын: Аԥсны Ауаажәларратә Палата амаӡаныҟәгаҩ лхаҭыԥуаа Александр Страничкини Изолда Ҳагбеи, Адәныҟатәи аимадарақәа рзы Аилак ахантәаҩы Асҭамыр Ахба, Приднестровие иҟоу Аԥсны ахаҭарнак Александр Ватаман, Приднестровие иҟоу Аԥсны Аофициалтә хаҭарнакра аиҳабы Александр Ватаман, Аԥсны иҟоу Приднестровие Аофициалтә хаҭарнакра аиҳабы Гарри Кәыпалба.
Аԥсни Приднестровиеи руаажәларратә палатақәа рнапхгаҩцәа иахьатәи аҭагылазаашьаҿы реиҿкаарақәа ирыӡбо, ихадоу азҵаарақәа ирылацәажәеит, аусеицуразы аԥеиԥш змоу ахырхарҭақәа рзы ргәаанагарақәа еимырдеит. Ажәалагалақәа руак аветерантә еиҿкаарақәа ирызкын.Аиԥылара мҩаԥысит аиҩызаратә ҭагылазаашьа аманы.
