Никарагуа иҟоу Палестина Ацҳаражәҳәарҭа ааԥхьарала, Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи аминистр-ихаҭыԥуаҩ Алиас Аибеи Палестина ахада Иасир Арафат иԥсҭазаара далҵижьҭеи 21 шықәса аҵра иазкны ашәҭқәа рышьҭаҵара ацеремониа рхы аладырхәит.

Ацеремониа иалахәын Никарагуа аиҳабыра ачынуаа. Урҭ рхыԥхьаӡараҿы иҟан адәныҟаполитикатә усқәа рзы Аҳәынҭқарра ахада иабжьгаҩ Иван Лару, Манагуа ақалақь ахада Реина Руеда, Никарагуа аккредитациа змоу адипломатиатә корпус алахәылацәа, Асандинисттә ҿар Реидгыла ахаҭарнакцәа, акьыԥхьтә усбарҭақәа рхаҭарнакцәа.