2024 шықәса рашәара 28 азы Каракас, Боливариантәи Ареспублика Венесуела адәныҟатәи аусқәа рминистрра анаԥхьарала Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Венесуелеи Китаии рыбжьара адипломатиатә еизыҟазаашьақәа рышьақәгылара 50 шықәса ахыҵра иазкыз ауснагӡатә далахәын.

Ахәылԥаз напхгара арҭон Боливариантәи Ареспублика Венесуела ахада ихаҭыԥуаҩ Делси Родригес, Боливариантәи Ареспублика Венесуела АдәА рминистр Иван Хиль, Венесуела иҟоу Китаи ацҳаражәҳәаҩ Лан Ху, Латинтәи Америкеи Карибтәи абассеини русқәа рзы Китаи ахаҭарнак Циу Сиаоци.

Дықәгылеит адныҳәалара ҟаҵо Боливариантәи Ареспублика Венесуела ахада ихаҭыԥуаҩ Делси Родригес.

Ауснагӡатә иалахәын: Венесуела адәныҟатәи аусқәа рминистр Иван Хиль Пинто, ацҳаражәҳәаҩцәеи адипломатиатә миссиақәа рхадацәеи, Боливариантәи Ареспублика Венесуела анапхгара ахаҭарнакцәеи.