2024 шықәса рашәара 11 азы Каракас, Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергея Мелик-Багдасаров инаԥхьарала Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Урыстәыла Амш иазкыз ауснагӡатә далахәын.
Ацеремониа мҩаԥысит Каракас ақалақь, Амилаҭтә пантеон “Мавзолей Симона Боливара” аҟны.
Иара убри ауха Каракас, Отель Гран Мелиа аҟны аныҳәатә хәылԥазы мҩаԥган.
Ахәылԥаз ааиртит Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергея Мелик-Багдасаров.
Иара иажәахә ашьҭахь дықәгылеит адныҳәалара ҟаҵо Боливариантәи Ареспублика Венесуела ахада ихаҭыԥуаҩ Делси Родригес.
Ауснагӡатә иалахәын: Венесуела адәныҟатәи аусқәа рминистр Иван Хиль Пинто, ацҳаражәҳәаҩцәеи адипломатиатә миссиақәа рхадацәеи, Боливариантәи Ареспублика Венесуела анапхгара ахаҭарнакцәеи.