Заур Ӷәаџьаа ауснагӡатә ихы алаирхәит

Заур Ӷәаџьаа ауснагӡатә ихы алаирхәит
7 March 2023 174

2023 шықәса хәажәкыра 5 азы Венесуела Адәныҟатәи аусқәа рминистрра анаԥхьарала Боливариантәи Ареспублика Венесуела иҟоу Аԥсны азинмчнагӡа змоу ацҳаражәҳәаҩ Заур Ӷәаџьаа далахәын команданте Уго Чавес иԥсҭазаара далҵижьҭеи жәашықәса аҵра иазкыз ауснагӡатә «Всемирной встречи за актуальность боливарианских идей революционного лидера в XXI веке».

Ауснагӡатә мҩаԥган Каракас, Тереза Карреньо лыхьӡ зху атеатр аҿы.

Ауснагӡатә напхгара аиҭон Боливариантәи Ареспублика Венесуела ахада Николас Мадуро Морос, иалахәын Латинтәи Америкеи Карибтәи абассеини ртәылақәа рделегациақәа (Ареспублика Никарагуа ахада Даниель Ортега, Аеспублики Еквадор ахада Луис Арсе, Доминикана аԥыза-министр Рузвельт Скеррит, Сент-Винсенти Гренадинеи рԥыза-министр Ральф Гонсалвеш, Ареспублика Куба уаанӡатәи ахада Рауль Кастро, Боливиа уаанӡатәи ахада Ево Моралес рхадарала) уҳәа егьырҭгьы.

Ацеремониа иалахәын иара убасгьы адипломатиатә корпус ахаҭарнакцәа, аҳәынҭқарратә мчрақәа русзуҩцәа.

Венесуела ахада Николас Мадуро Морос команданте Уго Чавес игәалашәара иазкыз ажәахә ҟаиҵеит.

X

Форма обратной связи

ФИО:
E-MAIL:
Телефон:
Ваше сообщение: