Абҵара 1 азы, Аԥсны Аҳәынҭқарра адәныҟатәи аусқәа рминистр ихаҭыԥуаҩ, Кавказнҭыҵ ашәарҭадареи аҭышәынтәалареи ирызку Жәларбжьаратәи Женеватәи аиҿцәажәарақәа 62-тәи араунд ахь Аԥсны аделегациа анапхгаҩы Одиссеи Бигәааи Урыстәылатәи Афедерациа адәныҟатәи аусқәа рминистр ихаҭыԥуаҩ Михаил Галузини реиԥылара мҩаԥысуеит.

Аиԥылара аҳәаақәа ирҭагӡаны, аганқәа Жәларбжьаратәи аиҿцәажәарақәа изаамҭанытәиу рраунд амшхәаԥштәи жәларбжьаратәи аҭагылазаашьеи ирылацәажәоит.

Аиҿцәажәарақәа 62-тәи рраунд 2024 шықәса абҵара 5-6 рзы иазԥхьагәаҭоуп.