Абҵара 1 азы Аԥсни Урыстәылеи рыдәныҟаполитикатә усбарҭақәа рминистрцәа рхаҭыԥуаа Одиссеи Бигәааи Михаил Галузини реиԥылараҿы ирылацәажәеит арегионалтә шәарҭадареи жәларбжьаратәи аҭагылазаашьеи.

Иара убасгьы Женеватәи аиҿцәажәарақәа изаамҭанытәиу 62-тәи рраунд атема хадақәа рзы ргәаанагарақәа рҳәеит.
2024 шықәса жьҭаара 16 азы Гал араион Бгоура ақыҭаҿы ирбаз аԥырҩы дызҭам ахархәага аҟазаара инамаданы Қырҭтәыла апровокациақәа рҿагылара аконтекст ала Одиссеи Бигәаа Гал ақалақь аҿы Аинцидентқәа раԥырҟәҟәаареи рҭак аҟаҵареи рзы амеханизм аусура аиҭаларгаразы ажәалагалақәа ҟаиҵеит.

Михаил Галузин Аԥсны Арратә операциа ҷыда адгылареи, ДЖәР, ЛЖәР, Херсон, Запорожие, Курсктәи аобластқәа агуманитартә цхыраара рыҭареи рзы атәыла анапхгара ҭабуп ҳәа реиҳәеит.

Женеватәи аиҿцәажәарақәа изаамҭанытәиу 62-тәи рраунд азыԥхьагәаҭоуп 2024 шықәса абҵара 5-6 рзы.