Аԥыза-министр ихаҭыԥуаҩ Беслан Џьопуеи Адәныҟатәи аусқәа рминистр ихаҭыԥуаҩ Иракли Ҭыжәбеи злахәу аделегациа Никарагуа иаҭааит Асандинисттә револиуциа 44 шықәса ахыҵра азгәаҭара алахәхаразы.

Ԥхынгәы 11-12, 2023 шықәсазы имҩаԥысит Жәларбжьаратәи Женеватәи аиҿцәажәарақәа 58-тәи рраунд. Аиҿцәажәарақәа ирылахәын Аԥсны Аҳәынҭқарра, Аахыҵ Уаԥстәыла, Урыстәылатәи Афедерациа, ЕАА рхаҭарнакцәа, ЕЕи ЕАРи, ОБСЕи рыцхантәаҩлара.

Ԥхынгәымза 6 рзы Урыстәылатәи Афедерациа адәныҟатәи аусқәа Рминистрраҿы Аԥсны адәныҟатәи аусқәа рминистр ихаҭыԥуаҩ Иракли Ҭыжәбеи Урыстәыла адәныҟатәи аусқәа рминистр ихаҭыԥуаҩ Михаил Галузини реиԥылара мҩаԥысит.

Боливариантәи Ареспублика Венесуела Ахьыԥшымра Амш иазкны Аԥсны Аҳәынҭқарра Адәныҟатәи аусқәа рминистр Инал Арӡынба Боливариантәи Ареспублика Венесуела Адәныҟатәи аусқәа рминистр Иван Хилиу Пинто адныҳәаларатә шәҟәы изишьҭит.

Аԥсны адәныҟатәи аусқәа рминистр Инал Арӡынба Ареспублика Беларусь ахада ихаҭарнак ҷыда Виктор Шеиман Ареспублика Беларусь ахьыԥшымра Амш идиныҳәалеит. 

Стампыл иҟоу Урыстәылатәи Афедерациа Аконсулра хада аҟны имҩаԥысит Аԥсны Адәныҟатәи аусқәа рминистр Инал Арӡынбеи Стампыл иҟоу Урыстәылатәи Афедерациа аконсул хада Андреи Буравовы реиԥылара. 

Аԥсны Адәныҟатәи аусқәа рминистр Инал Арӡынба апровинциа Сакариа даҭааит, ибеит хара имгакәа аусура иалагараны иҟоу Аԥсуа культуртә центр ҿыц "Адаԥазары", дрыҿцәажәеит уа инхо ҳџьынџьуаа, ирзеиӷьеишьеит ԥхьаҟатәи ақәҿиарақәа. 

Апровинциа Диузџье аҿы Аԥсны адәныҟатәи аусқәа рминистр Инал Арӡынбеи Ҭырқәтәыла амилаҭтә еизара Ду адепутат Талих Ҳәатышьи реиԥылара мҩаԥысит. Дара Ҭырқәтәыла инхо ҳџьынџьуаа рнырра атәы иалацәажәеит.

«Рашәарамза 29 рзы Аҳәынҭқарратә Дума аилатәараҿы ҩбаны иҟоу атәылауаҩра иадҳәалоу азҵаара аӡбара азы цәыббрамза 27, 2022 шықәсазы Москва ақалақь аҿы знапаҵыҩра мҩаԥгаз Урыстәылатәи Афедерациеи Аԥсны Аҳәынҭқарреи ирыбжьарҵахьаз аиқәшаҳаҭра аратификациа мҩаԥгахеит. Ари Аиқәшаҳаҭра усҟан рнапы аҵарҩит Аԥсны адәныҟатәи аусқәа рминистр Инал Арӡынбеи Урыстәылатәи Афедерациа адәныҟатәи аусқәа рминистр Сергеи Лаврови.

Рашәара 27, 2023 шықәсазы Аԥсны адәныҟатәи аусқәа рминистр Инал Арӡынба, Ҭырқәтәыла иҟоу Аԥсны азинмчнагӡа змоу ахаҭарнак Ибрахим Аҩӡба, Ҭырқәтәыла иҟоу аԥсуа культуратә центрқәа Рфедерациа ахантәаҩы Мураҭ Махариа Ҭырқәтәылатәи Ареспублика раԥхьатәи ахада Мусҭафа Кемаль Ататиурк дыргәаладыршәеит.