Адныҳәалараҿы иаҳәоит:

Аԥсуа жәлар сахьаркыратә ажәала иалкааны ҳӡырызгахьо, апоезиатә ажәа рԥха азҟаза ду, иахьа, акырӡа зҵазкуа Шәиира амш аҽны 75 шықәса шәхыҵра гәык-ԥсык ала ишәыдысныҳәалоит.

Ақәра – ауаҩы иԥсҭазааратә ԥышәа иадыргоуп, уи адырга аизҳара ҵыхәаԥҵәара амамзааит Шәара шәзы. Шәырҿиаратә мҩа – акыр шықәса абиԥара рааӡагамҩаны иҟоуп.

Аԥсуа поет – ҷыдалаҵәҟьа апоезиатә ажәа цаҳәҵаҳә аҟазацәа иреиуоу, Таиф Аџьба ихьӡ зху аҳәынҭқарратә премиа алауреат, «Ахьӡ-Аԥша» оарден, «Уаԥстәыла Ахьԥша» аорден, Н.Џьусоиты ихьӡ зху Алада Уаԥстәыла аҳәынҭқарратә премиа занашьоу (Кәасҭа Хеҭагуров иаԥҵамҭақәа «Лира. Ауаԥс ԥхьарца» аԥсуа бызшәахьы аиҭагарази аизга аҭыжьрази) иналукааратәы ҳмилаҭ асахьаркыратә Ажәа амырӡра аус ԥшьаҿы шәлагала ахә ашьара акырӡа иуадаҩуп.

Хыԥхьаӡара рацәала ажәеинраалақәа, апоемақәа аԥсышәалеи, урысшәалеи иара убас егьырҭ абызшәақәа рахьгьы еиҭаганы реизгақәа равтор иаҳасаб ала ҳсахьаркыратә ажәа аҿымцәаара шәадгылоит, уимоу ахәыҷтәы литератураҟынгьы шәџьабаа ԥхьаҟатәи аԥеиԥш хәыцырҭас ишшәымоу иадыргахеит.

Хазы алкаара ахәҭоуп Ҳаԥсадгьыл аӷа инапаҟны анагара алзмыршоз, аиаша аиааира азыргоз Аԥсны аҵеицәа фырхацәа шәахьыруаӡәкыз. Аԥсадгьыл аиқәырхара ауалԥшьа анагӡара напы ашәыркхьан ҳҵеицәа иашақәа шәрывагыланы ҳаԥсадгьыл Аибашьра алагаанӡагьы. Ҳтәыла аӷа данақәла, афырхаҵа ишиҟазшьоу еиԥшҵәҟьа, ҳаԥсадгьыл аиқәырхаҩцәа шәреиуахеит. Аԥсны Аџьынџьтәылатә еибашьраан ҳтәыла Раԥхьатәи Ахада Владислав Григори-иԥа Арӡынба ҳлахьынҵа зныԥшраны иҟаз адҵақәа рынагӡараҟны иарӷьажәҩаны шәивагылан.

Ахамеигӡара – ахаҵара иаԥышәагоуп, уи Шәара шәазыҟазаашьа шәаԥҵамҭақәа ирныԥшит, хьтәы рахәыцлагьы иргәылсуеит. Иалкаамзар ауам Аԥсны аибашьра анеилга ҳмилаҭтә ауаажәларратәи аполитикатәи мҩаҿы аныҵра злымшо, иналукааша шәымҩа, уи изызҳауа абиԥаразы ҿырԥшыганы иаанхоит, хымԥада. Ҳаԥсадгьыл арҿиарамҩа аизҳазыӷьара, жәларбжьаратәи азхаҵара, иара убас адәныҟаполитикатә ус амҩаԥгара аҵакы ду еилкаауа, уи ахырхарҭалагьы ҷыдалатәи Шәара шәлагала Аԥсны аҵеицәа дуқәа шәахьрывагылаз ҳҭоурых аҟны иалкаау аҭыԥ азкуп.

Исымоу алшара схы иархәауа, ишәзеиӷьасшьоит агәабзиара зҩыда, ақәҿиарақәа, еснагь ишәыцзаауа аҟазаратә гәазыҳәара!