Аԥсны Аҳәынҭқарра адәныҟатәи аусқәа рминистр Олег Барцыц Урыстәылатәи Афедерациа адәныҟатәи аусқәа рминистр Сергеи Лавров иааиуа Ашықәс ҿыц идиныҳәалеит.

Адныҳәаларатә шәҟәаҿы иазгәаҭоуп:

«Ииасуа ашықәс, ииашаҵәҟьаны имариамыз, аԥышәара дуқәа зцыз шықәсын. Шәара шәнапхгарала, Урыстәылатәи Афедерациа адәныҟаполитикатә усбарҭа аусура, урыстәылатәи аҳәынҭқарра аинтересқәа ԥсахрадеи ламсцқьалеи рымаҵ аурала имҩаԥысит.

Ашықәс ҿыц аламҭалазы гәык-ԥсыкала ишәзеиӷьасшьоит агәабзиара, шәзанааҭтә усураҿы ақәҿиарақәа, шәгәы иҭашәкуа ахықәкқәа зегьырынагӡара.

Агәра ганы сыҟоуп ашықәс ҿыц аиԥыларақәа рзы еиҳа иманшәалоу аҿыҵгақәеи ҩ-усбарҭак еиҳа иактиву реинырреи шаҳзаанаго, ҩ-ганктәи аусеицура арӷәӷәара ишацхраауа».