Аԥсны адәныҟатәи аусқәа рминистр Инал Арӡынба Аахыҵ Уаԥстәыла адәныҟатәи аусқәа рминистр Асхар Џьиоев идиныҳәалеит Урыстәыла ареспублика ахьыԥшымра азханаҵеижьҭеи 15 шықәса аҵра.
15 шықәса раԥхьа Урыстәылатәи Афедерациа Кавказ ареспубликақәа ҩба - Аԥсни Аахыҵ Уаԥстәылеи рхьыԥшымрақәа азханаҵеит.
Адныҳәалараҿы иазгәарҭоит Аԥсни Аахыҵ Уаԥстәылеи рсуверенитет азхаҵара аҩ-республикак ҳаамҭазтәи рҭоурых аҿы акрызҵазкуа рыцхәны ишыҟоу.
"Агәра ганы ҳаҟоуп ҳамчқәа еилаҵаны аԥхьаҟа аҳәынҭқаррабжьаратә еизыҟазаашьақәа ишрыцаҳҵало, ҳусеицура ҳажәларқәа ирзеиӷьу ахырхарҭақәа шдырҿиало", - ҳәа ануп адныҳәалараҿы.