Аԥсны Аҳәынҭқарра адәныҟатәи аусқәа Рминистрра Ареспублика Никарагуа адәныҟатәи аусқәа Рминистррахь адныҳәаларатә шәҟәы рышьҭит Никарагуа Ахьыԥшымра Амш инамаданы.
Адныҳәаларатә шәҟәаҿы, ҷыдала, иазгәаҭоуп:
"1821 шықәса цәыббра 15 акыр зҵазкуа ҭоурыхтә мшуп, шәҳәынҭқарра ашьақәгыларааз иаамҭа ҿыцуп. Ари акыр зҵазкуа амш аҽны, Никарагуа ауааԥсыра аԥсҭазаара бзиеи ихьыԥшым аҿиареи рзы рзин рыхьчеит, акыри ззыԥшыз ахьыԥшымра роуит. Иахьа Ареспублика Никарагуа арегионалтәи жәларбжьаратәи амшхәаԥштәқәа рызҵаараҿы аҵак ду ааннакылоит.
Аԥсны Аҳәынҭқарраҿ даара ахә ҳаракны иршьоит ҳҳәынҭқаррақәа рыбжьара иҿиаз аиҩызаратә еизыҟазаашьақәеи агәреибагареи. Ҳара гәахәарыла иазгәаҳҭоит аҩганктәи аусеицура адинамика бзиеи аимадара аҩаӡара ҳараки. Еснагь ҳазхиоуп аҩганк рзы ихәарҭоу аусеицура анаҩстәи аҿиара ацхраара”.