Аԥсны Аҳәынҭқарра Адәныҟатәи аусқәа рминистрра адышшыларатә шәҟәы  рзынарышьҭит  аинрал Уалид Ҳамди Абаза Маршьан иуацәеи иҭынхацәеи.

Уалид Ҳамди Абаза Маршьан акраамҭа ихьуаз ичымазара иахҟьаны иԥсҭазаара далҵит.
Иналукааша арратәи ауаажәларратәи усзуҩ, аԥсуа жәлар рхаҭарнак иаша Уалид Маршьан иԥсҭазаара зегьы азкын Шьамтәылатәи Ареспублика аӷацәа ирҿагыланы ақәԥара, Аԥсни Шьамтәылеи реимадара.

Аинрал Маршьан дыздыруаз зегьы ргәалашәараҿы даанхоит афырхаҵареи апатриотизмреи дырҿырԥшыганы. Аԥсуа жәлар Шьамтәылатәи ажәлар ргәырҩа рыцеиҩыршоит абри ацәыӡ дуӡӡаҿ.