Аԥсны адәныҟатәи аусқәа рминистр Олег Барцыц Аахыҵ Уаԥстәыла иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Алан Елбакиев иира амш идиныҳәалеит.

Адныҳәаларатә шәҟәаҿы иазгәаҭоуп:

«Ахә ҳаракны иаҳшьоит шәзанааҭдырреи аиашьаратә Республика Аахыҵ Уаԥстәылеи Аԥсны Аҳәынҭқарреи ҳаиҩызаратә еизыҟазаашьақәа рырӷәӷәараҿы шәлагала дуи» ҳәа.

Олег Барцыц Алан Елбакиев изеиӷьеишьеит агәабзиара, изанааҭтә усураҿы ақәҿиарақәа, аманшәалара.