Аԥсны Аҳәынҭқарра Адәныҟатәи аусқәа рминистр Олег Барцыц Аԥсны Аҳәынҭқарра Акультура аминистр, уаанӡатәи Адәныҟатәи аусқәа рминистр Даур Ақаҩба иира амш идиныҳәалеит.
Адныҳәаларатә шәҟәаҿы иазгәаҭоуп:
«Аҳәынҭқарратә маҵзурақәа рҿы, адәныҟатәи аусқәа рминистрс шәыҟазаараангьы убрахь иналаҵаны, шықәсырацәалатәи, хра злоу шәусура ҳтәыла жәларбжьаратәи аимадарақәа рырҿиареи рырӷәӷәареи рҿы илагала дууп.
Аԥсуа дипломатиеи жәларбжьаратәи аренаҿы ҳтәыла аҳаҭыр арӷәӷәареи рҿы шәусура ҳаҭыр ду ақәҵатәуп.
Иахьа Акультура аминистр иҭакԥхықәратә маҵураҭыԥ анаанышәкыло, ҳтәыла адоуҳатәи акультуратәи ҭынха аиқәырхареи аизырҳареи аус амаҵ аура шәаҿуп.
Ишәзеиӷьасшьоит шәхықәкқәа рынагӡареи, агәабзиара зҩыдеи, шәусураҿы ақәҿиара ҿыцқәеи, еснагь шәусураҿы ишәыцхраауа иуникалтәу аоптимизм аиқәырхареи».