Аахыҵ Уаԥстәыла адәныҟатәи аусқәа рминистр Ахсар Џьиоев Аԥсны адәныҟатәи аусқәа рминистр Олег Барцыц иааиуа Ашықәс ҿыци Қьырсаныҳәеи идиныҳәалеит.

Адныҳәаларатә шәҟәаҿы иазгәаҭоуп:

«Ашықәсҿыцазтәи аныҳәақәа адунеи акәакьқәа зегьы рҟынтәи ауаа еидыркылоит агәыҳалалра азеиԥш беиарақәа рыкәша-мыкәша, абзиабареи агәырӷьареи ратмосфера иаларгалоит, агәыӷреи аџьашьахәқәа рыгәрахаҵареи рыла ргәы дырҭәуеит.

Арҭ амшқәа рзы имариам 2025 шықәса наскьаго, еиҳарак исҭахуп еиӷьу ҳақәгәыӷларц, апланқәа шьақәҳаргылаларц, агәаҳәарақәа наҳагӡаларц».

Ахсар Џьиоев Олег Барцыц изеиӷьеишьеит агәабзиара, анасыԥ, иааиуа ашықәс азы ақәҿиарақәа.