Аахыҵ Уаԥстәылатәи Ареспублика Адәныҟатәи аусқәа рминистр Ахсар Џьиоев Олег Барцыц Аԥсны Аҳәынҭқарра Адәныҟатәи аусқәа рминистрс иҟалара идиныҳәалеит.
Адныҳәалараҿы ҷыдала иазгәаҭоуп:
«Агәра ганы сыҟоуп, иҳараку шәзанааҭтәи шәуаҩытәыҩсатәи ҟазшьақәа Аԥсны Аҳәынҭқарра адәныҟаполитикатә курс анагӡареи жәларбжьаратәи аимадарақәа рырҭбааразы шәҿаԥхьа иқәыргыло ауснагӡатәқәеи қәҿиарала рынагӡара шалдыршо.
Ҳаҭыр зқәу Олег Мсас-иԥа, ҳусбарҭақәа рыбжьара ишьақәгылан иҟоу аиҩызаратәи аусеицуратәи еизыҟазаашьақәа рыхә ҳаракны ишьо, ҳтәылақәеи ҳажәларқәеи рзы ихәарҭахаша аконструктивтә диалог ԥхьаҟагьы аҿиаразы, исылшо зегь аҟаҵара хаҭала сшазыхиоу азгәасҭоит».