Аԥсны Аҳәынҭқарра адәныҟатәи аусқәа рминистр и.н., аминистр ихаҭыԥуаҩ, аҷыдалкаатәии азинмчнагӡеи змоу ацҳаражәҳәаҩ Одиссеи Бигәаа Боливариантәи Ареспублика Венесуела иҟоу Аԥсны Аҳәынҭқарра аҷыдалкаатәии азинмчнагӡеи змоу ацҳаражәҳәаҩ Заур Ӷәаџьаа иирамш идиныҳәалеит.

Адныҳәалараҟны иазгәаҭоуп:

«Шәара, Аԥсны Аҳәынҭқарра аҷыдалкаатәии азинмчнагӡеи змоу ацҳаражәҳәаҩ иҳасабала Боливариантәи Ареспублика Венесуела шәусура аҵак ду аманы иҟоуп аԥсны-венесуелатә аиҩызаратә, апартниортә еизыҟазаашьақәа рыҿиаразы. Ҳара ахә ҳаракны иаҳшьоит шәара хаҭалатәи шәлагалақәа Аԥсны Аҳәынҭқарра амилаҭтә интересқәа Латынтәи Америка атәылақәа рҿы рыхьчараз.

Агәра ганы сыҟоуп шәдырра, шәаԥхьаҟаԥшра, шәыӡбрадкылара ԥхьаҟагьы хра рыманы ишыҟало ҳҳәынҭқарра аизҳазыӷьаразы».

Одиссеи Бигәаа Заур Ӷәаџьаа изеиӷьеишьеит агәабзиара зҩыда, адипломатиатә усураҟны ақәҿиара дуқәа.