Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела Адәныҟатәи аусқәеи жәларбжьаратәи ахәаахәҭреи рминистр Феликс Рамон Пласенсиа Гонсалес анота изишьҭит Боливариантәи Ареспублика Венесуела Аԥсны ахьыԥшымреи аҳәынҭқарратә суверенитети азханаҵеижьҭеи ажәибжь шықәса аҵра инамаданы.

Анотаҿы иазгәаҭоуп:

"Цәыббрамза 10, 2009 шықәса амш ҳҳәынҭқарра иҿыцӡоу аҭоурых аҿы ииашаҵәҟьаны акрызҵазкуа рыцхәуп. Аԥсны еснагь аџьшьара ӷәӷәа аарԥшны иргәалашәалоит Боливариантәи Ареспублика Венесуела Аԥсныжәлар рхатәҳәаақәҵаразы рҭоурыхтә зин иадгыларц иаднакылаз аӡбамҭа.

Гәахәарыла иазгәасҭоит ҳусеицура ашықәсқәа ирылагӡаны ҳҳәынҭқаррақәа рыбжьара ишьақәгылаз аизыҟазаашьақәа аиҩызареи апатуеиқәҵареи рҟазшьа шрымоу. Ҳара аилибакаара бзиа ҳамоуп, ҩ-ганктәи аусеицура азҵаарақәа рзы ҳпозициақәа еиқәшәоит.

Ҳазыхиоуп зегь рыла ҩ-ганктәи аинырра акомплекс зегьы ԥхьаҟатәи аизырҳара ацхраара».

Олег Барцыц Боливариантәи Ареспублика Венесуела аиашьаратә жәлар ирзеиӷьеишьеит аҭынчреи аизҳазыӷьареи