Аԥсны Аҳәынҭқарра адәныҟатәи аусқәа рминистр Олег Барцыц Ареспублика Никарагуа адәныҟатәи аусқәа рминистр ихаҭыԥуаҩ Денис Роналдо Монкада Колиндрес иира Амш идиныҳәалеит.
Адныҳәалараҿы иазгәаҭоуп:
«Аԥсни Никарагуеи реимадара арӷәӷәара аус активла шәхы ахьалашәырхәуазы, Аԥсни даара ҳаҭыр ду шәықәырҵоит.
Ҳара аҵак ду раҳҭоит ҳҳәынҭқаррақәа рыбжьара ишьақәгылаз аиҩызаратәи аиашьаратәи еизыҟазаашьақәа. Аԥсны гәахәара дула иаҳгәалаҳаршәоит 2023 шықәса лаҵарамзазы ҳреспубликаҿ шәыҟазаара.
Даара рыхә ҳаракны исшьоит иҳабжьоу аизыҟазаашьақәа. Агәра ганы сыҟоуп, ҳусеицура абзоурала, ганрацәалатәи аинырреи, астратегиатә еимадареи рыҿиара ԥхьаҟагьы ишацҵахо, уи аҵакы ҿыц шаиуа. Ҳәарада, асеиԥш жәҩахыреибыҭала ҳаивагылара ҳаиҩызаратә жәларқәа рыбзазара иацхраауеит”.
Олег Барцыц Денис Роналду Монкада Колиндрес изеиӷьаишьеит агәабзиара, аманшәалара, адипломатиатә маҵзураҿы ақәҿиара дуқәа.