Ажьырныҳәа 7 рзы имшира азгәеиҭоит Аԥсны Адәныҟатәи аусқәа рминистр Олег Барцыц.
Аԥсны Аҳәынҭқарра Адәныҟатәи аусқәа рминистрра аколлектив Адәныҟатәи аусқәа рминистр Олег Барцыц иира амш идырныҳәалеит.
"Ҳаҭыр зқәу Олег Мсас-иԥа, Аԥсны Адәныҟатәи аусқәа рминистрра аколлектив ахьӡала гәык-ԥсыкала ишәыдышәкыл шәымшира инамаданы адныҳәаларақәа!
Аԥсны Адәныҟатәи аусқәа рминистрс шәусура лабҿаба иаанарԥшуеит шәҭакԥхықәреи шәыпрофессионализми шыҳараку, адәныҟаполитикатә уснагӡатә уадаҩқәа рыӡбара ишәаны-изаны шәышрызнеиуа, иара убас ареспубликаҿеиԥш жәларбжьаратәи аҩаӡараҿгьы имҩаԥысуа апроцессқәа инарҵауланы ишеилышәкаауа.
Шәҟазшьа ҷыдақәеи, шәхықәкынагӡареи, аҵак ду змоу азҵаарақәа рзы шәпозициа иашеи, аҵакы змоу агуманитартәи акультуратәи аԥшьгарақәа рыцхыраареи Аԥсны аҩнуҵҟеиԥш аҳәаанырцәгьы иахәҭоу апатуқәҵара роуит.
Гәык-ԥсык ала ишәзеиӷьаҳшьоит агәабзиара, аманшәалара, инымҵәаӡо амчлшара. Аԥсны Аҳәынҭқарра аизҳазыӷьаразы аҭакԥхықәра зцу, ганрацәалатәи шәусураҿы аринахысгьы аихьӡарақәа шәзеиӷьаҳшьалааит, есыҽны ишәоуа алҵшәақәа агәахәара шәзааргалааит, уаҵәтәи амш агәрагара шәымазааит».