Урыстәылатәи Афедерациа адәныҟатәи аусқәа рминистр Сергеи Лавров Аԥсны Аҳәынҭқарра адәныҟатәи аусқәа рминистр инапынҵақәа назыгӡо Сергеи Шамба иира Амш идиныҳәалеит.
Адныҳәалараҿы ҷыдала иазгәаҭоуп:
“Шәара ииашаны аԥсуа дипломатиа апатриарх ҳәа шәыԥхьаӡоуп. Ԥхарра дула исгәаласыршәоит ҳаиқәшәарақәа, иҳаҩсыз ашықәс жьҭаара 4 рзы Москва имҩаԥысыз аиԥыларагьы уахь иналаҵаны. Ҳара усҟан ҩ-ганктәи ҳаизыҟазаашьақәа рызҵаарақәа ҳрылацәажәеит, насгьы жәларбжьаратәи амшхәаԥштә еиуеиԥшым атемақәа рызнеишьақәа рганахь ала ҳгәаанагарақәа реиқәшәара атәы шьақәҳарӷәӷәеит.
Агәра ганы сыҟоуп, ҳдипломатиатә усбарҭақәа еицырзеиԥшу рџьабаа Урыстәылеи Аԥсни рыстратегиатә еиҩызара ганрацәала аҿиара иацхраауеит ҳәа.
Ишәзеиӷьасшьоит агәабзиара, кавказтәи ашықәсынҵыра ду, анасыԥ, аманшәалара».