Приднестровиатәи Молдавиатәи Ареспублика адәныҟатәи аусқәа рминистр Витали Игнатиев Аԥсны Аҳәынҭқарра адәныҟатәи аусқәа рминистр Олег Барцыц Аԥсны адәныҟатәи аусқәа Рминистрра аԥҵара Амши Аԥсны Аҳәынҭқарра адипломатиатә усзуҩ Имши идиныҳәалеит.
Адныҳәалараҿы иазгәаҭоуп:
“Аҵак ду змоу ари амш, адипломатиатә маҵзура иамоу аҭакԥхықәреи, ачҳарақәеи аазырԥшуа Аԥсны Аҳәынҭқарра адәныҟатәи аполитика ашьақәгылареи арӷәӷәареи ирсимволны иҟоуп.
Шәара напхгара ззыжәуа аусбарҭа қәҿиарала иалшоит Аԥсны адәныҟаполитикатә интересқәа рыларҵәареи аҳәынҭқаррабжьаратәи аизыҟазаашьақәа рырӷәӷәареи ирыдҳәалоу иуадаҩу аусқәа рыӡбара.
Агәра ганы сыҟоуп, ирласны зҽызыԥсахуа адунеи аҿы иҟоу ауадаҩрақәа ирыхьмырԥшыкәа, Аԥсни Приднестровиеи аиҩызареи аицхыраареи шьаҭас измоу аусеицура хра аманы арҿиара ԥхьаҟагьы ишацнаҵало”.