Приднестровие Молдавиатәи Ареспублика Адәныҟатәи аусқәа рминистр Витали Игнатиев Олег Барцыц Аԥсны Аҳәынҭқарра Адәныҟатәи аусқәа рминистр имаҵураҭыԥ ахь инеира идиныҳәалеит.
Адныҳәалараҿы, ҷыдала, иазгәаҭоуп:
«Приднестровие даара ахә ҳаракны иршьоит иахьазы ишьақәгыланы иҟоу ҩ-ганктәи аусеицура аҩаӡара, насгьы агәра ганы иҟоуп ҳҭоурыхтә мҩа аиԥшреи, ҳстратегиатә курс азеиԥш еилкаареи ирыбзоураны ҳажәларқәа рыбжьара аҳаҭырқәҵареи аиҩызареи ҳҳәынҭқаррақәа рыбжьара аимадара арӷәӷәареи арҭбаареи рзы игәрагоу шьаҭаны ишыҟало.
Агәра ганы сыҟоуп, ас еиԥш аҭакԥхықәра ду зцу, акыр зҵазкуа аиҳабыратә маҵураҭыԥ Аԥсуа ҳәынҭқарра анапхгара аҟынтәи ишәырҳаз агәрагара ҷыда инагӡаны ишышьақәнарӷәӷәо. Иҟоу аҭагылазаашьа бзиа схы иархәаны, ҳреспубликақәа рыбжьара ганрацәалатәи аизыҟазаашьақәа рырҿиара сшазхиоу азгәасҭоит».