Нанҳәа 26 азы иҵит 16 шықәса Урыстәылатәи Афедерациа Аԥсны Аҳәынҭқарра ихьыԥшым, исуверентәу ҳәынҭқарраны иазханаҵеижьҭеи. Абри азы Урыстәылатәи Афедерациа ахада Д.А. Медведев Аусԥҟа анапы аҵаҩит 2008 шықәса нанҳәа 26 азы.
Аҵак ду змаз Урыстәылатәи Афедерациа анапхгара аӡбамҭа хәдықәҵара ауан Аԥсны аҭынчреи аҭышәынтәалареи рыҟазааразы, иахьчон ашәарҭадара. Ари ахҭыс аԥсуа жәлар рмилаҭ-хақәиҭратә қәԥара иахьтәы бираҟхеит, аҭоурыхтә иашара шьақәнарӷәӷәеит.
Уи аахыс Аҟәеи Москвеи реизыҟазаашьа аиҩызара, аҳаҭыреиқәҵара ҵаҵӷәны иаманы хырхарҭа рацәала астратегиатә партниоррахь икылсит.