Аԥсны Адәныҟатәи аусқәа рминистр Даур Ақаҩба Приднестровие иҟоу Аԥсны Ахаҭарнак Гарри Кәыпалба имшира идиныҳәалеит.

Адныҳәалараҟны иаҳәоит:

«Шәара ҷыдалатәи шәҟазшьа, ишәымоу авторитет, аԥышәа ирылдыршоит Приднестровиатәи Молдавиатәи Ареспублика жәларбжьаратәи аренаҟны аинтересқәа рызхьаԥшра, ҳҳәынҭқаррақәа рыҩба рыбжьара аиашьаратә еизыҟазаашьақәа рырӷәӷәара.

Аԥсны Аҳәынҭқарраҟны шәара аҭакԥхықәра иаҵагылоу дипломатк иҟазшьала шәырдыруеит, ҳаҭыр дугьы шәықәырҵоит.

Агәра згоит шәпрофессионализм ҳарак, шәнапы злаку аус амаҵ азура азыхиара ԥхьаҟагьы хра рыманы шәусура иацшацхраауа.»