Жәабран 27 азы Берлин ақалақь аҿы, аполитолог, аҵарауаҩ Александр Рар наԥхгара зиҭо Евразиатәи Аилазаара ааԥхьарала, Германиатәи Афедеративтә Республикаҿы Аԥсны Аҳәынҭқарра ахаҭарнак Хьыбла Амиҷԥҳа аусмҩаԥгатә “Украина аҭынчра ашьақәыргыларазы алшарақәа – Трампи Путини рсаммит” лхы алалырхәит.
Аусмҩаԥгатә аҿы ажәахәқәа ҟарҵеит НАТО аинрал Харальд Куиат, ацҳаражәҳәаҩ ԥхьатәа, адоктор Диордь Варга.
Ажәахәқәа рышьҭахь аимак-аиҿак алахәылацәа Америка ахада Дональд Трамп аҭынчразы иплан анагӡара алыршареи Евроеидгыла ари аплан адгылара анаҭои-ианамҭои уҳәа убас егьырҭгьы азҵаарақәа ирылацәажәеит.