Аԥсны жәлар Рџьынџьтәылатә еибашьра раԥхьатәи амш аҽны Аԥсны Адәныҟатәи аусқәа рминистрра аусзуҩцәа Ахьӡ-аԥша апарк аҟны иҟоу Амемориал аҿаԥхьа ашәҭшьыҵәрақәа шьҭарҵеит.
Аибашьра цон 413 мши-ҵхи.

Абарҭ аамҭақәа ирылагӡаны иҭахеит зықьҩыла аԥсадгьыл ахьчаҩцәа. Зықьҩыла иреиӷьыз аԥацәеи аԥҳацәеи рыԥсқәа ахҭынҵаны иааган аиааира. Абри амш аҽны ареспублика зегьы аҿы иазгәарҭоит агәалашәаратә уснагӡатәқәа.