Аԥсны Адәныҟатәи аусқәа рминистрра гәалсра дула иаднакылеит Ҭырқәтәыла иҟоу Аԥсуа культуратә центрқәа Рфедерациа раԥхьатәи ахантәаҩы Феридун (Аксои) Аҟәысба иԥсҭазаара далҵит ҳәа иааҩыз ашәаџь.

Феридун Аҟәысба аԥсуа диаспора инарылукааша хаҭарнакын, Ҭырқәтәыла аԥсуа диаспора еидызкылоз ауаажәларратә еиҿкаара ахыҵхырҭаҿы дгылан, дрылахәын аԥсуа тематика иадҳәалаз ауснагӡатәқәа зегьы, Ҭырқәтәылеиԥш Аԥсынгьы ихыԥша дуун.

Аԥсны Адәныҟатәи аусқәа рминистрра гәалсра дула ирыдашшылоит Феридун Аҟәысба иуацәеи иҭахцәеи. Аԥсны ахааназ дыргәаладыршәалоит Аԥсадгьыл апатриот ду иакәны.