Аԥсны Адәныҟатәи аусқәа рминистр Олег Барцыц Амассатә информациа ахархәагақәа русзуҩцәа есышықәса жәабран 27 рзы иазгәарҭо рзанааҭтә ныҳәа рыдиныҳәалеит.
Аԥсны Аҳәынҭқарра Адәныҟатәи аусқәа рминистр Олег Барцыц Амассатә информациа ахархәагақәа русзуҩцәа есышықәса жәабран 27 рзы иазгәарҭо рзанааҭтә ныҳәа рыдиныҳәалеит.
"Жәабран 27 – Аԥсны Амассатә информациа ахархәагақәа русзуҩцәа рзанааҭтә ныҳәоуп. Ари амш аҽны, 1919 шықәсазы, аҭыҵра иалагеит аԥсуа литература ашьаҭаркҩы Дырмит Иосиф-иԥа Гәлиа редакторс дызмаз раԥхьатәи аԥсуа газеҭ «Аԥсны».
Амассатә информациа ахархәагақәа ҳаамҭазтәи ауаажәларраҿ акрызҵазкуа институтуп, ҳаамҭазтәи Аԥсны аинформациатә шықәсынҵамҭа шьақәдыргылоит, уи аҿиараҿы рлагала дууп.
Аԥсны Амассатә информациа ахархәагақәа рхаҭарнакцәа русура иабзоураны, ауаажәларра ҳтәыла аԥсҭазаараҿы ихадоу ахҭысқәа рзы ианаамҭоу, аобиективтә информациа роуеит».
Аминистр АИХқәа рхаҭарнакцәа агәабзиара, арҿиаратә гәацԥыҳәара, Аԥсны Аҳәынҭқарра аизҳазыӷьара иазырхоу аҭакԥхықәра зцу, аҵакы змоу русураҿы аринахысгьы ақәҿиарақәа рзеиӷьаишьеит.