Аԥсны адәныҟатәи аусқәа рминистр Олег Барцыц напхгара ззиуа аԥснытәи аделегациа аԥсуаа, адыгаа, абазақәа, ачерқьесцәа, егьырҭ урҭ ирзааигәоу ажәларқәа еидызкыло Шьамтәыла иҟоу жәларбжьаратәи аиҿкаара "Адыга Хасе" ахаҭарнакцәа ирԥылеит.

Аиԥылара рхы аладырхәит ачерқьесцәа Рассоциациа ахантәаҩы Хишам Кат, Ачеркес уаажәларратә еидгылара ахантәаҩы Абдуррахман Багас. Аԥснытәи аделегациеи Шьамтәыла иҟоу аԥсуа-адыга диаспора ахаҭарнакцәеи акультуратәи асоциалтәи усхкқәа рҿы аусеицура азҵаарақәа ирылацәажәеит.

Шьамтәыла иҟоу Аԥсны Ацҳаражәҳәарҭа адиаспора адгылара рнаҭоит, акультуратәи ахаҭаратәи еимадарақәа рырӷәӷәаразы еиуеиԥшым аԥшьгарақәа рынагӡара иалахәуп.