Аԥсны Адәныҟатәи аусқәа рминистрра Урыстәыла Адәныҟатәи аусқәа рминистрра иатәу МГИМО Адипломатиатә академиа амагистратура апрограммақәа рҭаларазы Аԥсны атәылауаа рҟынтәи арзаҳалқәа рыдкылара ишалаго азы алаҳәара ҟанаҵоит:

- «Аекономика» (арҵаратә программақәа «Жәларбжьаратәи аекономикатәи афинанстәи шәарҭадара», «Адәныҟаекономикатә усура аиҿкаареи аҭышәныртәалареи»);

-«Аҳәынҭқарратәи амуниципалтәи усбарҭа» (арҵаратә программа «Аглобалтә шәарҭадареи ацифратә технологиақәеи»);

-«Аиуриспруденциа» (арҵаратә программа «Жәларбжьаратәи аекономикатә (акоммерциатә) зин»;

- «Жәларбжьаратәи аизыҟазаашьақәа» (арҵаратә программақәа «Урыстәылатәи Афедерациа Адипломатиатәи аконсултәи маҵзура», «Урыстәыла Адәныҟатәи аполитикеи амилаҭтә шәарҭадареи»).

Апрограммақәа инарҭбааны рыхцәажәара шәахәаԥшыр шәылшоит Адипломатиатә академиа асаит аҿы: https://www.dipacademy.ru/admission.

Ихымԥадатәу адокументқәа реиқәыԥхьаӡа:

- арзаҳал (абланк ацуп);

- Аԥсны Аҳәынҭқарра атәылауаҩшәҟәы ахкьыԥхьаа;

- иреиҳаӡоу аҵарадырразы ишьақәыргылоу аҿырԥшы змоу адокументқәа ( адипломи уи ацҵеи);

- 2 афотосахьак - 3×4

- арратә билеҭ/адыԥхьаӡаларатә ршаҳаҭга ( аррамаҵура зуалу рзы);

- аиндивидуалтә еихьӡарақәа шьақәзырӷәӷәо адокументқәа.

Иарбоу аусшәҟәқәа ма хаҭала Аԥсны АдәАР ахь анагара, мамзаргьы асканер иахыганы аелектронтә ԥошьҭа ала рышьҭра алшоит: gensec@mfaapsny.org.

Арзаҳалқәеи аусшәҟәқәеи рыдкылара арыцхәқәа: 2026 шықәса лаҵарамза 4, 5, 6, 7, 8 рзы Аԥсны АдәАР аҟны. Адокументқәа рыдкылара аҵыхәтәантәи амш: лаҵара 8. Аимадаратә хаҿы: Аԥсны АдәАР Аппарат анапхгаҩы ихаҭыԥуаҩ Барзаниа Алиса Џьамал-иԥҳа, аҭел: +7(940)9257756.

Арзаҳал абланк аҭагалара алшоит аусбарҭа ателеграм-канал аҿы https://t.me/midapsnyinfo/1525