Аиԥылараан Одиссеи Бигәаа Александр Непрошин ианеишьеит аиубилеитә медал «Аԥсны Аҳәынҭқарра адәныҟатәи аусқәа рминистрра 30 шықәса ахыҵуеит».Цәыббра 27 азы Аԥсны адәныҟатәи аусқәа рминистрраҟны имҩаԥысит аминистр ихаҭыԥуаҩ Одиссеи Бигәааи аҵарауаҩ, Аԥсны ажурналистцәа Реидгыла алахәыла, ашәҟәы «Аԥсны. Аҳәынҭқарреи асуверенитети рзинтә шьаҭақәа» авторцәа ируаӡәку Александр Непрошины реиԥылара. Аиԥылараан Одиссеи Бигәаа Александр Непрошин ианеишьеит аиубилеитә медал «Аԥсны Аҳәынҭқарра адәныҟатәи аусқәа рминистрра 30 шықәса ахыҵуеит».
Одиссеи Бигәаа Александр Непрошин ҭабуп ҳәа иеиҳәеит «еиҳа иуадаҩыз аамҭақәа рзы аиԥш иахьагьы аԥсуа жәлар дахьрывагылоу» азы. Александр Непрошин ҭабуп ҳәа ахиҳәааит изыҟаҵаз адкылара.