Берлин Аԥсны иазкыз ахәылԥаз мҩаԥысит

Берлин Аԥсны иазкыз ахәылԥаз мҩаԥысит
19 October 2023 139

Аԥсны адәныҟатәи аусқәа рминистрра Германиа аофициалтә хаҭарнак Хьыбла Амҷԥҳа еиҭалҳәеит Берлин иҟоу Евразиатәи аилазаара аԥшьгамҭала ишымҩаԥгаз Аԥсны иазку ахәылԥаз.

Ауснагӡатә далахәын апублицист, аполитолог, адәныҟатәи аполитиказы Германиатәи аилазаара аексперт, адоктор Кристиан Випперфиурт.

Ахәылԥаз теманы иаман аҭынчра азҵаарақәа.

«Сара сҽазысшәеит аҭоурыхтә екскурс аҟаҵара, Аԥсны аӡбахә аиҭаҳәара, ажәлар рыӡбахә дырдырра, Аԥсны жәларбжьаратәи азхаҵара иамоу атәы аҳәара, адиаспора рылацәажәара. Ауснагӡатә аиҿкааҩцәа – Берлин иҟоу Евразиатәи аилазаара, хаҭала Александр Рару ҭабуп ҳәа расҳәоит», - лҳәеит Амҷԥҳа.

Аиԥылара далахәын: Германиа иҟоу Аԥсны ААП ахаҭарнак Вольфганг Матцке. Иара дрылацәажәеит Аԥсны аекономикатә лшара, агеополитикатә ҭагылазаашьа, Германиа имҩаԥысуа апроектқәа.

X

Форма обратной связи

ФИО:
E-MAIL:
Телефон:
Ваше сообщение: