2015 шықәса хәажәкыра 11 рзы Аԥсни Урыстәылеи рнапы зҵарҩыз Амеморандум аҳәаақәа ирҭагӡаны Москва имҩаԥысит аурыс-аԥсуа консультациақәа.

Аконсультациақәа ирылахәын Урыстәыла иҟоу Аԥсны Ацҳаражәҳәаҩ Игор Ахба, ИАР атәылақәа аԥшьбатәи Рдепартамент адиректор
Алексеи Павловски.

Ирылацәажәан ҩ-ганктәи аизыҟазаашьақәа ирзырхаз азҵаарақәа жәпакы: Аԥсни Урыстәылатәи Афедерациа асубиектқәеи русеицура; аԥсуа маҵзурауаа Урыстәылатәи аҵараиурҭақәа рҟны рдырра ацҵара; Аԥсны ԥхьаҟа жәларбжьаратәи апозициақәа рырӷәӷәара уҳәа реиԥш иҟақәоу.

Аконсультациақәа рымҩаԥгара апрактика ԥхьаҟагьы иацҵахоит.