Нанҳәамза 30 – хабарда ибжьаӡыз ргәалашәара Жәларбжьаратәи Амш азгәарҭоит.

Аҟәа ақалақь аҿы 1992-1993шш. рзы Аԥсны Аџьынџьтәылатә еибашьраан хабарда ибжьаӡыз ргәаладыршәеит. Иҭахаз рбаҟа аҿаԥхьа ашәҭшьыҵәрақәа шьҭарҵеит.

1992-1993шш. раантәи аԥсуа-қырҭуатә еибашьраан хабарда ибжьаӡыз ргәалашәара иазкны Ахьӡ-Аԥша апарк аҟны аӡрыжәтә ӡыршә хәыҷы аадыртит.

В.Г.Арӡынба ихьӡ зху Аҳәынҭқарратә Арратә Ахьӡ-Аԥша амузеи аҿы акциа «Агәалашәара ацәашьы» мҩаԥысит. Араҟа, амузеи афоие аҿы еиҿкаахеит аибашьраан хабарда ибжьаӡыз рфотосахьақәа рцәыргақәҵа.