Аԥсны адәныҟатәи аусқәа рминистрра ақәыӡбоит Ареспублика Даӷьысҭан имҩаԥгаз атеррористтә актқәа рымҩаԥгара.

Арадикалтә гәыԥқәа имҩаԥыргаз ацәгьоурақәа уаҩ ихаҿы изаамгоу гәымбылџьбароуп, иуаҩрадоуп.

Иҭахаз азинтә мчрақәа рхаҭарнакцәа, аҭынч уааԥсыра, адин амаҵзуцәа агыгшәыгра иахәхеит. Уи аиҿкааҩцәа хымԥада ирыхәҭоу иақәшәароуп.

Зыԥсҭазаарақәа атерроризм аҿагылара иахҭнызҵаз рфырхаҵара ахааназ хашҭра ақәымкәа иаанхоит.

Ҳрыдашшылоит иҭахаз рыуацәеи рҭынхацәеи, аиашьаратә даӷьысҭан жәлари урыстәылатәи ажәлари.