Имҩаԥысит Аԥсны Аҳәынҭқарра Адәныҟатәи аусқәа рминистр Даур Ақаҩбеи Аахыҵ Кавказ ашәарҭадарази аҭынчра аҭышәныртәаларази Женеватәи аиҿцәажәарақәа рыцхантәаҩцәа Анти Турунени (ООН ахаҭарнак) Хаилу Мамои (ООН ахаҭарнак ҷыда) русутә еиԥылара.

Аиԥылара далахәын аминистр ихаҭыԥуаҩ Кан Ҭаниа.

Аиԥылара азкын Женева ақалақь аҟны имҩаԥысраны иҟоу аиҿцәажәарақәа рымшхәаԥштә азҵаара алацәажәара. Иахьа уажәраанӡагьы аиҿцәажәарақәа рҟны ихаданы иқәгылоу азҵаара амчра ахамырхәаразы аиқәшаҳаҭра анапаҵаҩроуп.

39-тәи Женеватәи аиҿцәажәарақәа рраунд азыԥхьагәаҭоуп 2017 шықәса хәажәкыра 28-29 рзы.